علق أحمد ناجي، مدرب حراس المنتخب الوطني، على مباراة الكونغو القادمة في التصفيات الإفريقية المؤهلة الي بطولة كاس العالم في روسيا 2018 وعن استعدادات المنتخب الوطني لتلك المباراة.

قال ناجي في تصريحات اذاعية مع احمد شوبير في برنامج on air : "درسنا فرقة الكونغو بشكل كويس جدا لاننا قعدنا شهر نشتغل عليها وهي فرقة كويسة تمتلك خطي هجوم ووسط متميزين جدًا علي عكس خطي حراسة المرمي والدفاع".

وعن حراسة المرمي في الكونغو :" حراسة المرمي "مش قد كدا" بس هجومهم قوي وكلهم محترفين".

وعن اختياراته لحراسة المرمي في المنتخب: "لما بنختار بيكون عشان القدرات والكلام دا انا قولته لشريف اكرامي ومينفعش حد يستغرب من عودة اكرامي لقائمة المنتخب".

وعن حديثه مع احمد الشناوي :" تحدثت مع الشناوي بعد مباراة الوداد ونصحته بانه يقفل ودانه وميسمعش لاي حد أو يتفرج علي اي حاجه وركز الفترة اللي جايا".

وفي نهاية حديثه قال :"لازم الناس تفهم ان التصفيات مش الكونغو أو غانا بس لازم نركز علي منتخب زي أوغندا لأنه فريق ليس بالسهل".

واختتم :"إحنا اجتماعتنا شبه يومية ونأمل في تحقيق الفوز بس كل حاجه في الكورة ممكنة وأتمني أن يتوج المنتخب بنتيجة جيدة".