علق محمود عطية، عضو مجلس النواب، على غرق مركب الهجرة برشيد ، قائلا:”الناس بقيت تشترى مركب والمركب مبترجعش تانى ومفيش سلامة بحرية ولانقل بحرى فنوع الوسيلة اتغيرت والشكل اللى اتعاملت به الحكومة والاعلام والنواب والسلطة فى الازمة عبر الثلاثة أيام الماضيين ففى توليفه جديدة لتحليل القصة احنا وصلنا لفين غير الأسباب الاقتصادية والتوعية وبرغم كل الاجراءات اللى حصلت عبر 50 سنة اللى فاتت موصلتش لدرجة اننا نبطل بدليل ان مفيش حد من إيطاليا بيجى مصر هربان بمركب “.
وأضاف عطية خلال حواره في برنامج “الحياة اليوم” عبر قناة “الحياة” اليوم الجمعة، قائلا:” الناس الأول كان شباب أصبحت أسر كاملة فى المركب وكان أفارقه الأول بالتسهيل بتدخل مصر وكمان مبقوش شباب بقوا عيال 15 سنة فهو لا وصل لدرجة أنه عنده مشكلة فى مصر فى الشغل”.
وتابع:”فى ناس بتمضى شيكات على نفسها للسمسار عشان تسافر ولو مرجعش أهله بيدفعوا ووصلنا لأن العيلة كلها بتكون تحت طائلة القانون عشان هوس السفر والغربة والإجراءات الحكومية فى الأيام اللى فاتت غير كافية خدت كتير عقبال ماانتشلوا الجثث والمعاملة فى المستشفى”.