قالت الفنانة شيرين عبد الوهاب إن العيد كان ومازال يتمثل لديها في "العيدية وصلاة العيد والملابس الجديدة" وحتى التليفزيون الذي يقدم أفضل وأحدث ما عنده في الأعياد والمناسبات.

وأضافت الفنانة شيرين - خلال حوارها مع الإعلامية والفنانة إسعاد يونس في برنامج "صاحبة السعادة" الذي يذاع على شاشة "سي بي سي" - "الجو عندنا في مصر ريحته بتتغير في العيد.. وأنا صغيرة لبس العيد ده هو الفرحة وهخرج بيه الفسحة اللي أنا اختارها.. كنا بنروح القناطر وجنينة الحيوانات ولازم نتمشى على النيل ونركب الحنطور".

وعلقت إسعاد يونس قائلة "إحنا بقى كان العيد عندنا في لمة أبويا وأمي.. وأبويا يخرجنا أنا وأخواتي البنات.. ممكن يودينا مكان زي قصر عابدين زمان كان فيه مكان مفتوح للجماهير فيه حمام سباحة ومطعم بيعمل أكل إيطالي حلو أوي.. أو يودينا كبريتاج حلوان".