شهدت منافذ بيع اللحوم بالدقهلية إقبالا شديدا من قبل المواطنين قبيل عيد الأضحى المبارك، كما توافد آخرون على محلات الجزارة لشرائها رغم ارتفاع أسعارها.

"صدى البلد" رصد إقبال المواطنين وسط حالة من السعادة مع إقبال عيد الأضحى، حيث تكدس المشترون أمام المنافذ بشكل كبير.

يقول محمد منصور: "أنا بشترى من منفذ بيع اللحوم بشارع الجيش اللحمة جميلة ومكشوف عليها وسعرها 55 جنيها، سعر مناسب جدا والزحمة زادت اوى عشان العيد وكل شيء متوفر وبلاش نغمة ارتفاع الأسعار كل شوية، غحنا مع البلد ولازم نتحمل شوية إحنا أحسن من غيرنا".

فيما قال مجدى السيد "أنا بشترى من المنفذ من فترة لحمته كويسة، وأنا عندى أربع ولاد عشان أروح أشترى من المحلات الشهيرة اللى عندنا الكيلو عدى بـ100 جنيه ليه، ولازم التجار اللى بيزودا على الناس، خاصة تجار الجملة يتحاسبوا من الدولة".

وقالت الحاجة سيدة محمد: "اللحمة زى الفل بجيبها من المنفذ اللى موجود بالمنصورة.. بلدنا بخير والله بس الناس تحبها ولو حتى مكنش فيه لحمة مش هنعيش ولا إيه".