القطعية المضبوطة بداية الأكلة الحلوة لأن كل أكلة ليها القطعية اللي تناسبها , اتعرفوا على أنواع القطعيات المناسبة لكل وصفة مع ماجي حبيب

العجل بيتقسم لجزئين:

1- الجزء الأمامي وبيتكون من سمانة الكتف وبيت اللوح وصباع السمانة والريش والكوستاليتا والرقبة والموزة الامامية لكنه أقل جودة من الجزء الخلفي ومناسب للفتة والسلق والخضار .

- سمانة الكتف عبارة لحمة حمراء دهونها قليلة ومناسبة لوصفات : الاسكالوب وكباب الحلة.

- صباع السمانة عبارة عن عضلة من الدراع وبتكون لحمة ناعمة ومناسبة لوصفات : الروستو في الفرن أو صينية.

- الكوستاليتا هي جزء من الريش وبتكون لحمة ناعمة ومناسبة لوصفات: اليخني والخضار.

- الرقبة لحمتها حمراء و مناسبة لوصفات اللحمة المفرومة والكبيبة والخضار.

- الموزة الأمامية لحمتها حمراء ونسبة الجيلاتين فيها أعلى من الموزة الخلفية ومناسبة لوصفات : الفتة والسلق والخضار.

2- الجزء الخلفي وبيتكون من الفخدة والسمانة وعرق الروستو وعرق الفيليه والانتركوت ومناسب للشوي والاسكالوب والستيك.

- العرق الفيليه هو جزء من الريش ولحمته ناعمة عن العرق الروستو ومناسب لوصفات الشوي.

- الانتركوت عبارة عن الريش الخلفية ويكون من بيت الكلاوي والكوستاليتا ومناسب لوصفات الستيك والشوي.