ينشر صدى البلد قصية "لأنك خط ماكملش"لشاعرة العامية دعاءالنمر ، وهي مؤلف غنائى معتمد في الإذاعة والتلفزيون وصدر لها من قبل ديوان أحزان بلقيس، وهي مؤسس صالون روح الشعر.

لأنك خط ماكملشى

لأنك كنت لى تفسير

بكام معنى

لأن الكف كان بيضم أوجاعنا

فاخاف يفرد فى أحلامه

فاتتسرسب

ولم الباقى من أيام

فى قاع فنجان بتترسب

دموع فى الضلمة ماتبانشى

وقرر يسكن الأحزان

فى عز الوحدة مايخافشى

ورغم أمنت بالحرمان

عشقت وبردو مافهمتش

بإن الحب مهمًا طال

فى طرف هايبتدى بموال

حاولت بجد ماقدرتش

حاولت أضم طرف الخيط

خبط بقلبى قلب الحيط

فتحت ف جرح مايلمش

سامحنى سكنت تكوينك

وكنت بكملك دقات

فصلت مابينا بجمودك

فنزلت دمعتى حبات

فى عز الدعوة والصلاوات

بشوف السبحة ملضومة

ورافضة ضمتك بالذات