انهمر الإعلامى عمرو أديب بالبكاء، أثناء تقديمه برنامجه "كل يوم" على فضائية " on E " على شهداء سيناء، قائلاً: "كل يوم فى سيناء فى ناس بتموت، الشهيد بيبقى عاوز يحس إن دمه مارحش هدر".
وأشار أديب، إلى أنه فى سيناء الموت لا يفرق والإرهاب "ندل"، متسائلاً: "هم متخيلين إنه لما يقتلوا العساكر أن الجيش هيخلص؟ هو عارف إنه مش هيحصل، يبقى عاوز يوقعك على الأرض يلاقيك بتوقف، والمواطن لا يقف جنب بعضه غير فى مصايب".
وأضاف أديب: "عاوز أشوف الإرهابيين، هاتوهم مقتولين، اشفوا غليل الناس، ويوقف الناس فى الشارع تقول لا إله إلا الله الشهيد حبيب الله، وعلمونا فى الجامعة إن المذيع ما يعيطش، بس مش قادر".