اعتذرت لاعبة المصارعة الرومانية المصرية إيناس خورشيد للشعب المصري بسبب خسارتها للميدالية البرونزية بمنافسات المصارعة الرومانية بدورة الألعاب الأوليمبية الصيفية المقامة حاليا بمدينة “ريو دى جانيرو” البرازيلية.

وقالت الحاصلة على المركز الرابع بمنافسات المصارعة الرومانية بالأولمبياد من خلال تدوينه لها على صفحتها بموقع التواصل الاجتماعي “فيس بوك” : “أنا اسفه بجد.. كان نفسي افرح مصر كلها واعمل ميدالية في Olympic Games .. بس محدش عارف حاجة .. محدش عارف احنا تعبنا واتبهدلنا اد ايه قبل السفر .. محدش عارف اننا ما اتعملناش اعداد خارجي أصلا غير 15 يوم .. ده غير الحاجات التانية اللي لو قلتها في ناس كتير هتزعل مني .. كل ده اجتهاد شخصي مننا ..بنحفر فالصخر .. لوحدنا.. بعتذر لكم جميعا للمرة التانية .. كان نفسي افرحكوا”.

وكانت لاعبة المصارعة الرومانية المصرية إيناس خورشيد قد خسرت أمس أمام نظيرتها الكازاخستانية إلميرا شيدكوفا بنتيجة “7- 4” في مباراة المنافسة على الميدالية البرونزية في منافسات المصارعة الرومانية النسائية “وزن 68 كيلو جرام” بدورة الألعاب الأوليمبية الصيفية المقامة حاليا بمدينة “ريو دى جانيرو” البرازيلية.