محمد ممدوح يكشف كيف تحوله من "بوكسير" لممثل شهير.. فيديو

روى الفنان محمد ممدوح عن بدايات دخوله مجال التمثيل بعدما كان "بوكسير" ويمارس رياضة الملاكمة من أيام المدرسة.

وأوضح ممدوح - خلال لقائه مع الفنانة والإعلامية إسعاد يونس ببرنامج "صاحبة السعادة" المذاع على قناة "سي بي سي" - قائلًا: "كنت رايح لواحد صاحبي بعد ماتش بوكس إسمه محمد خالد بيمثل مسرح وقالي تعالى معايا البروفا ومكنتش عايز، في الآخر روحت وانبهرت من الجو والاهتمام والشغف اللي عند الناس كان في حالة تقريبا كده لبستني من ساعتها".

واستكمل: "عجبتني اللعبة وابتديت أروح بروفات كتير، جت أستاذة إلهام في المسرح قالتلي مش عايز تمثل قولتلها أجرب، وقبل ما أطلع على المسرح اتعملي ورشة من محمد خالد وصحابه وابتدينا نفكر في فرقة لينا كان اسمها "الحلم" وبعدين بقى أسمها "العطر" لما مثلنا رواية "العطر".

وأشار إلى أن أول مرة يقف فيها أمام الكاميرا كان في مشهدين بمسلسل "لحظات حرجة" مع المخرجة مريم أبو عوف، ثم عمل بشكل احترافي في المسرح من خلال مسرحية "أهلا يا بكوات" و"زكي في الوزارة"، أما السينما فكانت أول أعماله فيها من خلال اختياره من مسرحية "قهوة سادة" لفيلم "إبراهيم الأبيض" ثم "بيبو وبشير".

أضف تعليق