مصممة أزياء تمثل مصر فى أسبوع الموضة العالمى بباريس

اختيرت مصممة الأزياء المصرية نورين فرح لتمثيل بلادها فى أسبوع الموضة العالمى بباريس فى عام 2017. وكانت المصممة المصرية قد بدأت قبل عامين وأصبحت تصميمات نورين فرح علامة تجارية مميزة نظرا لاستغلالها الفريد والمبدع للخامات الأمر الذى جعلها محط الاهتمام المحلى والعالمى.
وكان أسبوع الموضة العالمى قد راسل فرح فى يونيو. وقالت "بيجيلى رسائل بريد إلكترونى من خلال شبكة الإنترنت ففى يوم الصبح من ثلاثة شهور مثلاً جالى بريد إلكترونى من أسبوع الموضة العالمى بيقوللى أن أنا اترشحت أمثل مصر فى باريس فكنت مبسوطة قوى وأخدت المعلومات وبعدين دورت على راعى وجبته ومسافرة."
وسوف يُسمح لفرح خلال المناسبة التى تقام فى باريس ليس فقط بعرض مهارتها ولكن أيضا بإظهار جيل جديد من المصممين المصريين.
وأضافت فرح "مبسوطة قوى إنى هسافر وأورى الناس اللى برا شوية أن إحنا كمصريين عندنا ذوق ونقدر إننا نعمل حاجة كبيرة وحاجة كويسة وإن هى مش مجرد الصورة اللى هما شايفينها فى التلفزيون بس.. فيه ناس كتير زينا."
وأقامت فرح ورشة عمل خاصة بها بعد دراسة التصميم والخياطة فى ميلانو وفلورنسا.
لكنها قالت أن الدروس التى استفادت منها فى الحقيقة كانت من خلال العمل مع خياط محترف فى الأتيليه الخاص بها فى حى مصر الجديدة الراقى فى القاهرة.
وأوضحت "بفضل اسأله وأقول له "أعمل كدة؟" يقول لى ماينفعش.. أقول له لأ جرب عشان أنا عايزة أشوف ده هيطلع شكله هيطلع عامل إزاى وماينفعش.. مفيش مشكلة نجرب نعمل بطريقة تانية. ناخد القماشة ونرميها فى الزبالة ونجرب ونجرب ونجرب لغاية ما دلوقتى عينى بقت بتاخد على إيه اللى هنا مظبوط وإيه اللى هنا مش مظبوط من غير لما أقيسه لحد."
وبدأت نورين فرح مسيرتها بتصميم الفساتين مجانا لصديقاتها. لكنها تبيع الآن ملابس المساء والملابس الرسمية بما يصل إلى 1000 دولار لفستان الكوكتيل و5000 دولار لثوب الزفاف.
وعلى الرغم من ارتفاع الأسعار لا تزال شعبيتها فى زيادة وهو ما تقول فرح أن السبب فيه هو الاهتمام الذى تقدمه لزبائنها حتى أنها أحيانا تأخذ العرائس لانتقاء النسيج الذى سيستخدم للثوب.
وتنتمى فرح إلى جيل من شباب المصممين الذين يمثلون مصر على المستوى الدولى مثل علامة أختين للإكسسوارات التى ظهرت فى أسبوع الموضة فى لندن وفريدة تمراز التى ظهرت أثوابها على السجادة الحمراء للأوسكار.
وقالت نورين فرح " التفتح بتاع الجيل بتاعنا على وسائل التواصل الاجتماعى للجامعات الأمريكية ومدرسين من بره (من الخارج) وكتب من بره. الكلام ده كله والتلفزيون طبعاً بتفتح مخ الشباب شوية أن هما يبتدوا يجربو حاجة جديدة مكنتش (لم تكن) مقبولة."
وسوف يقام أسبوع الأزياء العالمى فى باريس فى يناير بمشاركة 47 مصمما عالميا على مدار خمسة أيام.

مقالات ذات صلة

منوعات

مواضيع

أشهر الفيديوهات

شبكات التواصل الإجتماعي

للتواصل معنا ومتابعة آخر الأخبار لحضة بلحضة، المرجو الإشتراك بصفحاتنا