بالصور.. هيثم نبيل يستعيد "ذكريات المدرسة" مع الطلاب وأصدقائه القدامى

احتفالا ببدء العام الدراسى الجديد وعودة المدارس، شارك المطرب والملحن الشاب هيثم نبيل، فى مبادرة "ذكريات المدرسة" التى تهدف للقاء الأصدقاء والمدرسين خلال فترة الدراسة.
ويقول هيثم عن المبادرة التى بدأت عن طريق جروب على فيس بوك، إنها أعادت العلاقات بين زملاء المدرسة التى تلقوا تعليمهم فيها، سواء طلاب أو مدرسين من كل مكان، اللى لسه عايش فى مصر أو خارجها.
وقال هيثم: "ناس كتير رجعت العلاقات وشاركوا بعض كل الذكريات، كمان اتعملت فكرة من أدمن الجروب لزيارة المدرسة من كل الدفعات السابقة وتنظيم حفل لتكريم المدرسين لدورهم فى حياة الطلاب، أد إيه كان فى ذكريات حلوة تجمعهم وبالفعل حصل، عن إحساس فرحة الطلاب والمدرسين وهما بيشوفوا بعض بعد سنين طويلة، وحضور عد كبير من الطلاب وعن الطلبة اللى جايبين ولادهم معاهم عشان يربوا فيهم الوفاء وكلهم بيتصورا فى الفصول مع بعض ومعاهم أولادهم ويشوفوا مشهد احترام متبادل بين الكبير والصغير وفرحة".

هيثم نبيل مع أحد أصدقائه داخل الفصل
وتابع هيثم: "حقيقة فى عين كل مدرس لما يلاقيك فاكره ومقدره، مقابلة كل الطلاب اللى كانوا صحاب وظروف الدنيا فرقتهم، أنا شخصيا اعترفت للمدرسين عن المصايب اللى كنت بعملها من وراهم لأول مرة، وقوف حداد على أرواح من رحل من المدرسين والطلاب الحقيقة، إحساس راق ومشهد لا يوصف من الحاجات اللى افتقدناها".

صورة جماعية لهيثم نبيل مع أصدقاء ومعلمى المدرسة
صورة جماعية داخل الفصل

هيثم نبيل ولمسة وفاء مع أحد المدرسين

خلال تجهيزات حفل تكريم المدرسين

جانب من الحفل

سيلفى أصدقاء الدراسة

صديقات المدرسة وإعادة الذكريات داخل الفصل

مقالات ذات صلة

منوعات

مواضيع

أشهر الفيديوهات

شبكات التواصل الإجتماعي

للتواصل معنا ومتابعة آخر الأخبار لحضة بلحضة، المرجو الإشتراك بصفحاتنا